راولپنڈی: راولپنڈی ڈیویلپمنٹ اتھارٹی (آر ڈی اے) نے راولپنڈی رنگ روڈ کے ٹریک کا ابتدائی سروے مُکمل کرلیا۔
روڈ ٹریک پر معتدد کنکریٹ بلاکس لینڈ مارکس کے طور پر رکھوا دیے گئے ہیں۔
آر ڈی اے افسران کے مطابق رنگ روڈ کا کُل احاطہ 65 کلومیٹر کا ہے جبکہ یہ راولپنڈی سے شروع ہو کر فتح جنگ پر ختم ہوگی۔
لینڈ مارکس رکھوانے کا کام تاحال جاری ہے تاہم ابھی تک 48 کیلومیٹر کے ٹریک پر یہ رکھوا دیے گئے ہیں۔
حاصل شدہ تفصیلات کے مطابق راولپنڈی رنگ روڈ کی تکمیل کے بعد شہر میں ہیوی ٹرانسپورٹ کے داخلے پر مکمل طور پر پابندی ہوگی۔
کمشنر کیپٹن (ر) محمد محمود کا کہنا تھا کہ بسوں اور ٹرکوں کے اڈا مالکان کے پاس یہ فیصلہ کرنے کا وقت ہے کیونکہ راولپنڈی رنگ روڈ منصوبہ میں اڈوں کے لیے مختص جگہ ارزاں نرخوں پر دستیاب ہے۔
اُن کا کہنا تھا کہ بعد ازاں ان زمینوں کی لاگت میں اضافہ ہوجائے گا۔
اُن کے مطابق اس مقصد کے لیے ٹرانسپورٹ تنظیموں سے رابطہ کرلیا گیا ہے اور اُن کو شہر سے منتقل ہونے کی افادیت کے بارے میں آگاہ کردیا گیا ہے۔
اُن کا کہنا تھا کہ راولپنڈی رنگ روڈ شہر کے ٹریفک مسائل حل کرنے کے لیے ہے تاہم بسوں اور ٹرکوں کے شہر سے باہر منتقل ہوئے بغیر یہ حل ممکن نہیں۔
مزید خبروں اور اپڈیٹس کے لئے وزٹ کیجئے گرانہ بلاگ۔
