لاہور: اسٹیٹ بینک آف پاکستان کے مطابق اوورسیز پاکستانیوں نے اب تک 50 ہزار سے زائد روشن ڈیجیٹل بینک اکاؤنٹس کھول دیے ہیں۔
اسٹیٹ بینک کے مطابق اس ضمن میں موصول ترسیلات زر 200 ملین ڈالر کی سطح عبور کر گئیں ہیں۔
ماہرین کے مطابق روشن ڈیجیٹل بینک اکاؤنٹس نے بیرونِ ملک مقیم پاکستانیوں میں کافی پزیرائی حاصل کی ہے۔
اُن کا کہنا ہے اس سہولت کی وجہ سے لوگوں نے غیر قانونی طریقوں سے رقوم کی ترسیل روک دی ہے۔
اسٹیٹ بینک کے مطابق تجارتی بینکاری کے شعبے کے ساتھ قریبی شراکت میں اسٹیٹ بینک نے ملک میں تیز تر، آسان اور موثر ترسیلات زر کی سہولت اور فراہمی کو یقینی بنانے کے لئے ایک مضبوط پلیٹ فارم بنایا ہے۔
اس اقدام کا مقصد باہمی ترسیلات زر کے حجم کو فروغ دینے اور غیر رسمی چینلز کے استعمال کو کم کرنے کے لئے بیک وقت دو بڑے مقاصد کو حل کرنا ہے۔
مزید خبروں اور اپڈیٹس کے لئے وزٹ کیجئے گرانہ بلاگ۔
