اسلام آباد: پاکستان کے یوم آزادی کے قریب، نیویارک سٹی کے کوئنز بورو میں ایک سڑک کو ملک کے قومی شاعر علامہ محمد اقبال کے نام سے منسوب کر دیا گیا۔ ’’علامہ اقبال ایونیو‘‘ کا افتتاح کوئنز کے رچمنڈ ہل سیکشن میں ایک پروقار تقریب میں کیا گیا۔ لوگوں نے قومی پرچم لہراتے ہوئے "پاکستان زندہ باد” کے بلند و بالا نعرے لگائے۔
تفصیلات کے مطابق اس تقریب کے انعقاد میں امریکن پاکستانی ایڈووکیسی گروپ (APAG) نے اہم کردار ادا کیا۔ اے پی اے جی کے سربراہ علی راشد نے خوش آمدید کہتے ہوئے پاکستانی نژاد امریکیوں کو بتایا، ’’یہ ہم سب کے لیے ایک قابل فخر لمحہ ہے۔ اور یہاں پاکستانی نژاد امریکی کمیونٹی کے ساتھ ساتھ پاکستانی عوام کے لیے یوم آزادی کا تحفہ ہے۔‘‘ تقریب میں شامل زیادہ تر افراد روایتی لباس میں ملبوس تھے۔
مزید یہ کہ تقریب میں شرکت کرنے والوں میں نیو یارک سٹی کے سرکاری اہلکار اور اسمبلی کونسل کے اراکین جینیفر راجکمار اور ڈیوڈ ویپرین نے علامہ اقبال کو عظیم مفکر قرار دیا۔ اور ان کی زندگی اور مشن کو خراج تحسین پیش کیا۔ انہوں نے برصغیر کے مسلمانوں کے لیے الگ وطن کا تصور دیا اور جدوجہدِ آزادی کا تصور جگایا۔
قبل ازیں 2019 میں، بروکلین کے ایک مصروف ایونیو کے ایک حصے کو پاکستانی کمیونٹی کی سرگرمیوں کی علامت کے طور پر ’قائد اعظم محمد علی جناح‘ کے نام سے منسوب کیا گیا تھا۔
مزید خبروں اور اپڈیٹس کیلئے وزٹ کیجئے گرانہ بلاگ۔
