اسلام آباد: منگل کے روز روشن ڈیجیٹل اکاؤنٹ کے ذریعے بھیجی گئی رقوم 500 ملین ڈالر کی سطح عبور کر گئیں۔
اِس سطح کو عبور کرنے پر وزیر اعظم عمران خان نے بیرون ملک مقیم پاکستانیوں کا شکریہ ادا کیا۔
منگل کو ایک ٹویٹ میں وزیر اعظم نے کہا کہ وہ فنڈز بھیجنے پر ملک کے عظیم اثاثے کا شکریہ ادا کرنا چاہتے ہیں۔
اُن کا کہنا تھا کہ سمندر پار پاکستانیوں نے 97 ممالک سے 87 ہزار اکاؤنٹس کھولے جس کے ذریعے 50 کروڑ ڈالر وطن واپس بھیجے گئے۔
اُن کا کہنا تھا کہ گزشتہ 6 ہفتوں میں اوورسیز پاکستانیوں کی جانب سے 243 ملین ڈالر بھیجے گئے۔
یاد رہے کہ حکومت نے حال ہی میں روشن ڈیجیٹل اکاؤنٹس کے لیے سہل اور سادہ ٹیکس نظام کا اعلان بھی کیا ہے۔
مزید خبروں اور اپڈیٹس کے لیے وزٹ کیجئے گرانہ بلاگ۔
