اسلام آباد: سکیورٹیز اینڈ ایکسچینج کمیشن آف پاکستان (ایس ای سی پی) نے جون 2021 کے دوران کنسٹرکشن اور ریئل سٹیٹ کے شعبہ میں 474 نئی کمپنیوں کی رجسٹریشن کی ہے۔
ایس ای سی پی کے اعدادو شمار کے مطابق اس دوران نئی کمپنیوں کی رجسٹریشن کے حوالہ سے تعمیرات اور رئیل سٹیٹ کا شعبہ سر فہرست رہا ہے جبکہ ٹریڈنگ سیکٹر کا دوسرا اور آئی ٹی سیکٹر کا تیسرا نمبر ہے۔
رپورٹ کے مطابق جون 2021 میں کنسٹرکشن اور رئیل سٹیٹ کے شعبہ کی 474 نئی کمپنیاں رجسٹر کی گئی ہیں جبکہ ٹریڈنگ سیکٹر کی 382 اور آئی ٹی سیکٹر میں 275 نئی کمپنیوں کی رجسٹریشن کی گئی ہے۔ اسی طرح سروس سیکٹر کی 216، ای کامرس کے شعبہ کی 129 اور مشروبات کے شعبہ میں 105 نئی کمپنیاں رجسٹرڈ کی گئی ہیںَ۔
مزید خبروں اور اپڈیٹس کے لیے وزٹ کیجئے گرانہ بلاگ۔
