سینٹ نے سپیشل ٹیکنالوجی زونز اتھارٹی بل 2021 کی منظوری دے دی

اسلام آباد: ایوانِ بالا کے اجلاس میں سپیشل ٹیکنالوجی زونز اتھارٹی بل 2021 متفقہ طور پر منظورکرلیا گیا۔

اجلاس میں موجود سینیٹرز نے مذکورہ بل کو پاکستان میں آئی ٹی سیکٹر کی ترقی کی جانب ایک بہت اہم اقدام قرار دیا۔

بل کے مطابق سپیشل ٹیکنالوجی زونز اتھارٹی کا ایک ادارہ قائم کیا جائے گا جو 8 ممبران پر مشتمل ہوگا۔ چیئرمین کا تقرری  وزیراعظم تین سال کے لیے کریں گے جبکہ زونز کی سیکورٹی، بنیادی انفراسٹرکچر، سڑکوں کی تعمیر، ہائی اسپیڈ انٹرنیٹ اور دیگر امور کی انجام دہی اتھارٹی کی ذمہ داریوں میں شامل ہو گا۔

حکام کے مطابق سپیشل ٹیکنالوجی زونز اتھارٹی وفاق، صوبوں اور مقامی حکومتوں کے علاوہ بین الاقوامی سطح پر بھی مالی معاونت وصول کرنے کی مجاز ہو گی۔

مزید خبروں اور اپڈیٹس کے لیے وزٹ کیجئے گرانہ بلاگ۔

About Zeeshan Javaid

جواب دیں

آپ کا ای میل ایڈریس شائع نہیں کیا جائے گا۔