راولپنڈی: راولپنڈی ڈیویلپمنٹ اتھارٹی (آر ڈی اے) نے راجہ بازار کی حالت بہتر بنانے کا عمل یونائیٹڈ نیشنز ڈیویلپمنٹ پروگرام (یو این ڈی پی) کی مدد سے شروع کردیا ہے۔
پراجیکٹ کا پی سی ون مکمل کرلیا گیا ہے جس کی لاگت 74 ملین روپے ہے۔
تفصیلات کے مطابق یہاں کی رہائشی اور سماجی حالت بہتر بنانے سے علاقے کی معاشی سرگرمیوں میں بھی تیزی آئے گی اور شہر کے اس تاریخی حصے میں سیاحوں کی آمد میں بھی اضافہ ہوگا۔
شہر کے پُرانے پلان کے مطابق یہاں ایک فوڈ سٹریٹ بھی بنائی جاۓ گی۔
آر ڈی اے چیئرمین طارق محمود مرتضیٰ کا کہنا تھا کہ شام کے بعد اس علاقے میں گاڑیوں کے داخلے کو ممنوع کردیا جائے گا تاکہ لوگ پیدل چل کر پوٹوہار کی خوبصورتی دیکھ سکیں۔
مزید خبروں اور اپڈیٹس کے لئے وزٹ کیجئے گرانہ بلاگ۔
