اسلام آباد: چیئرمین سی پیک اتھارٹی عاصم سلیم باجوہ نے پیر کے روز سماجی رابطے کی ویب سائٹ ٹویٹر پر اظہارِ خیال کرتے ہوئے کہا کہ پاک چین اقتصادی راہداری کے زیرِ انتظام علامہ اقبال اسپیشل اکنامک زون پر کام تیزی سے جاری ہے۔
اُن کا کہنا تھا کہ خصوصی اقتصادی زون کا برائے فروخت احاطہ 2276 ایکڑ ہے جبکہ 69 سرمایہ کاروں کی جانب سے اس کا 33 فیصد حصہ خرید لیا گیا ہے۔
اُنہوں نے کہا کہ 7 بیرونی سرمایہ کاروں نے 182 ایکڑ اراضی خرید لی ہے اور تعمیراتی کام کا آغاز بھی کرلیا ہے۔
علامہ اقبال اسپیشل اکنامک زون کا کُل رقبہ 3217 ایکڑ ہے جس میں ٹیکسٹائل، انفارمیشن ٹیکنالوجی، کیمیکل اور سروس کمپلیکس ہیں۔
مزید خبروں اور اپڈیٹس کے لیے وزٹ کیجئے گرانہ بلاگ۔
