لاہور: لاہور سینٹرل بزنس ڈیویلپمنٹ اتھارٹی (ایل سی بی ڈی اے) نے شہر میں ڈاؤن ٹاؤن کے 7 استعمال شدہ کمرشل پلاٹس 34.89 ارب روپے میں نیلام کر دیے۔
نیلامی میں ملکی اور غیر ملکی سرمایہ کاروں کی ایک بڑی تعداد نے شرکت کی۔ لاہور کے ڈاؤن ٹاؤن علاقوں میں 12 اور 14 کنال کے 7 مخلوط استعمال شدہ ایسے کمرشل پلاٹس شامل تھے جو تعمیراتی کمپنیوں کو انتہائی سازگار سہولیات فراہم کرتے تھے۔
لاہورگلبرگ مین بلیوارڈ میں اپنے مثالی محل وقوع اور 5 سال کی آسان اقساط کی وجہ سے لاہور کے ڈاؤن ٹاؤن علاقے اپنی خاص اہمیت رکھتے ہیں۔
گرینڈ آکشن رئیل اسٹیٹ سیکٹر کیلئے پنجاب کی سب سے بڑی بولی ثابت ہوئی جس میں بھاری رقم کی بولی لگائی گئی۔
لاہور سینٹرل بزنس ڈیویلپمنٹ اتھارٹی (ایل سی بی ڈی اے) کے سربراہ عمران امین کا اس موقع پر کہنا تھا کہ لاہور ڈاؤن ٹاؤن کے لیے توقع سے کہیں زیادہ بہتر رسپانس ملا ہے جو تعمیرات اور رئیل اسٹیٹ کے شعبے میں ایک متاثر کُن اور نئی شروعات کی علامت ثابت ہو گا۔
مزید خبروں اور اپڈیٹس کیلئے وزٹ کیجئے گرانہ بلاگ۔
