پنجاب میں سرمایہ کاری کے وسیع مواقع موجود ہیں،چیئر مین پنجاب سرمایہ کاری بورڈ

47

اسلام آباد :چیانگشو سے شونگلانگ اینوائرمنٹ کمپنی پرائیویٹ لمیٹڈ کے وفد نے پنجاب بورڈ آف انویسٹمنٹ اینڈ ٹریڈ کا دورہ کیا اور چیئرمین سردار تنویر الیاس خان اور چیف ایگزیکٹیو جہانزیب برانہ سمیت دیگر افسران سے ملاقات کی۔ چیئرمین پنجاب سرمایہ کاری بورڈ سردار تنویر الیاس نے بتایا کہ   چینی کمپنی نے کم لاگت پر گھروں کی تعمیر، صاف پانی  کی فراہمی کے سلسلے میں  پنجاب حکومت کے ساتھ  کام کرنے کی خواہش کا اظہار کیا ہے۔ پنجاب میں بڑے پیمانے پر سرمایہ کاری کے مواقع موجود ہیں، زراعت آئی ٹی، ٹیکسٹائل واٹر مینجمنٹ پروجیکٹ میں کام کرنے کی فوری ضرورت ہے اور حکومت اس سلسلے میں تمام وسائل بروئے کار لانے کے لیے کوشاں ہے ۔ انہوں نے کہا کہ اس کے علاوہ دیگر شعبوں جیسے لائیو سٹاک، ڈیری ڈویلپمنٹ ، زراعت میں بھی سرمایہ کاروں کو زیادہ سے زیادہ متعارف کروانا بہت ضروری ہے ۔ چائینز کمپنی کے وفد نے کہا کہ ہم ملٹی بلین ڈالرز کی سرمایہ کاری واسا لاہور کے ساتھ کرنا چاہتے ہیں تاکہ پانی کو ضائع ہونے سے روکنے کے ساتھ ساتھ گندے پانی کو روکنے کے لیے بڑے پیمانے پر پلانٹس انسٹال کیے جا سکیں ۔ تنویر الیاس نے  اس پیش رفت کو سراہتے ہوئے کہا کہ چائینز کمپنی اور واسا کے ساتھ ساتھ پلاننگ اینڈ ڈویلپمنٹ کے ساتھ ملکر صاف پانی پر کام کیا جائے گا ۔