دبئی میں جائیدادیں خریدنے والے ممالک کی فہرست میں پاکستان کا آٹھواں نمبر

اسلام آباد: دبئی میں پراپرٹی خریدنے والے 10 بڑے ممالک کی فہرست میں پاکستان بھی شامل ہے جبکہ اس فہرست میں پاکستان اور مصر آٹھویں نمبر پر ہیں۔

غیر ملکی خبر رساں ایجنسی کی رپورٹ کے مطابق دبئی میں رہائشی پراپرٹی کی خرید و فروخت میں اس سال 60 فیصد اور قیمتوں میں 85 فیصد اضافہ ریکارڈ کیا گیا۔

بھارت دبئی میں پراپرٹی کی خریداری میں 8 فیصد کمی کے باوجود فہرست میں پہلے نمبر پر ہے۔

رپورٹ کے مطابق فہرست میں برطانیہ، اٹلی، روس، فرانس، کینیڈا، متحدہ عرب امارات، مصر، پاکستان، لبنان اور چین شامل ہیں جب کہ اس فہرست  میں پاکستان اور مصر آٹھویں نمبر پر ہیں۔

رپورٹ کے مطابق دبئی کی رہائشی پراپرٹیز کے 6 مہینوں کے کاروبار کا حجم 24.23 ارب ڈالر رہا جبکہ یورپی جیوپولیٹیکل حالات اور عالمی شرح سود بڑھنے کی توقعات پر مارٹگیج مارکیٹ فعال رہی۔

یوکرین جنگ میں پابندیوں کے بعد روسی سرمایہ کاروں کی دبئی میں پراپرٹی کی خریداری میں 164 فیصد اضافہ دیکھنے کو ملا جب کہ فرانس سے دبئی میں پراپرٹی کی خریداری کا حجم میں 42 فیصد اور برطانیہ سے صرف 18 فیصد اضافہ ریکارڈ کیا گیا۔

بھارت کی خریداری 8 فیصد اور اٹلی سے دبئی پراپرٹی کی خریداری 17 فیصد کم ہوئی۔

رپورٹ میں جاری کردہ اعداد و شمار کے مطابق مالی سال 2022 کے دوران دبئی میں ریکارڈ 37762 پراپرٹی یونٹ فروخت کیے گئے۔

مزید خبروں اور اپڈیٹس کیلئے وزٹ کیجئے گرانہ بلاگ۔

About Zeeshan Javaid

جواب دیں

آپ کا ای میل ایڈریس شائع نہیں کیا جائے گا۔