اسلام آباد: چیئرمین سی پیک اتھارٹی لیفٹننٹ جنرل (ر) عاصم سلیم باجوہ کا کہنا ہے کہ پاک چین اقتصادی راہداری کے مغربی روٹ پر کام تیزی سے جاری ہے۔
اُنہوں نے کہا کہ حاکلا تا ڈی آئی خان موٹروے پر کام تیزی سے جاری ہے جائے اگست میں عوام کے لیے کھول دیا جائے گا۔
اس موٹروے پر نیشنل لاجسٹکس کمپنی نے کام کیا ہے اور یہاں 2 انٹرچینج، 6 انڈر پاس، 4 پُل اور رہائشی سہولیات کا قیام کیا ہے۔
موٹروے کے ہمراہ ڈیڑھ لاکھ سے زائد درخت لگائے گئے ہیں اور اس سے اسلام آباد تا ڈی آئی خان فاصلہ صرف ڈھائی گھنٹے کا رہ جائے گا۔
عاصم باجوہ کا مزید کہنا تھا کہ جنوبی روٹ میں ژوب تا کویٹہ اور ہوشاب تا آواران کے حصے بھی شامل ہیں جہاں بھی کام کی رفتار تیز کردی گئی ہے۔
مزید خبروں اور اپڈیٹس کے لیے وزٹ کیجئے گرانہ بلاگ۔
