ریئل اسٹیٹ کے شعبے میں جدت پسندی کے فروغ اور دنیا بھر میں پھیلے ہوئے 90 لاکھ پاکستانیوں کو ریئل اسٹیٹ سیکٹر میں محفوظ سرمایہ کاری کے مواقع یقینی بنانے کے لیے گرانہ ڈاٹ کام نے پراپرٹی کی تصدیق کے نظام کا افتتاح کر دیا۔
آن لائن پراپرٹی ویری فیکیشن سسٹم کی افتتاحی تقریب پارلیمانی کمیٹی برائے امور کشمیر کے زیر انتظام اوورسیز پاکستانیز کنونشن 2022 کے موقع پر منعقد کی گئی۔
تقریب میں وفاقی وزیر برائے سائنس اینڈ ٹیکنالوجی شبلی فراز، وزیر مملکت برائے اطلاعات و نشریات فرخ حبیب، وزیر اعظم کے مشیر برائے سمندر پار پاکستانی و امورِ افرادی قوت محمد ایوب آفریدی اور چیئرمین پارلیمانی خصوصی کمیٹی برائے امورِ کشمیر شہریار افرادی سمیت مختلف شعبہ ہائے زندگی سے تعلق رکھنے والے افراد کی ایک بڑی تعداد نے شرکت کی۔
علاوہ ازیں تقریب میں چیئرمین امارات گروپ آف کمپنیز اور گرانہ ڈاٹ کام کے چیف ایگزیکٹو آفیسر شفیق اکبر، گروپ ڈائریکٹرز فرحان جاوید، ارسلان جاوید، تیمور عباسی اور آئی آئی پی ایس ایڈوائزری بورڈ کے صدر جنرل (ریٹائرڈ) ہارون اسلم بھی شال تھے۔
تقریب میں موجود وفاقی تحقیقاتی ادارے (ایف آئی اے)، سیکیورٹیز اینڈ ایکسچینج کمیشن آف پاکستان، سٹیٹ بینک آف پاکستان، وزارت خارجہ، نادرا اور ڈائریکٹوریٹ جنرل آف امیگریشن اینڈ پاسپورٹ کے نمائندگان نے سمندر پار مقیم پاکستانیوں کو مختلف نوعیت کے درپیش مسائل کے پائیدار حل سے متعلق تبادلہ خیال کیا۔
گزشتہ سال 2018ء میں ملک بھر میں 5492 غیر قانونی ہاؤسنگ سوسائٹیز کی نشاندہی کی گئی۔
ریئل اسٹیٹ کے کاروبار میں ریگولیٹری فریم ورک کی عدم موجودگی اور پراپرٹی سمیت اراضی کی خرید و فروخت کے پیچیدہ عمل کی وجہ سے سمندر پار پاکستانیوں کو مختلف نوعیت کی مالی بدعنوانیوں اور فراڈ کا سامنا رہا ہے۔
گرانہ ڈاٹ کام نے سمندر پار پاکستانیوں کے سرمایہ کو تحفظ فراہم کرنے، ہاؤسنگ سوسائٹیز کے لے آؤٹ پلان کی منظوری، مطلوبہ علاقوں میں مجاز اتھارٹی تک با آسانی رسائی، پلاٹ کی پیمائش اور محل وقوع سے متعلق معلومات جیسے پلاٹ نمبر، گلی نمبر، سڑک کا نام وغیرہ کے علاوہ اراضی کی درست پیمائش کی تصدیق کے لیے اپنی خدمات کی فراہمی یقینی بنانے کا فیصلہ کیا ہے۔
مزید خبروں اور اپڈیٹس کیلئے وزٹ کیجئے گرانہ بلاگ۔
