برانڈز فاؤنڈیشن نے گرانہ ڈاٹ کام کو سال 2021 کا سب سے تیزی سے ترقی کرنے والا برانڈ قرار دے دیا۔
اس موقع پر سی ای او گرانہ ڈاٹ کام شفیق اکبر کا کہنا تھا کہ برانڈز فاؤنڈیشن جیسے بین الاقوامی شہرت یافتہ ادارے کی جانب سے اِس ایوارڈ کے دیے جانے پر وہ انتہائی مسرور ہیں۔
اُن کا کہنا تھا کہ اِس ایوارڈ کے اصل حقدار اِس کمپنی میں کام کرنے والے افراد ہیں جن کے شب و روز کی محنت سے ترقی کی نئی راہیں ہموار ہورہی ہیں۔
گروپ ڈائریکٹر گرانہ فرحان جاوید کا کہنا تھا کہ یہ کامیابی شفاف طرزِ کاروبار اور پاکستان کیلئے نیک نیتی سے کام کرنے کے نتیجے میں ممکن ہوئی۔
یاد رہے کہ برانڈز فاؤنڈیشن ایک بین الاقوامی شہرت یافتہ ادارہ ہے جو ملکی سطح پر دنیا بھر سے بہترین برانڈز کی ترقی اور کامیابیوں کو اجاگر کرنے اور حوصلہ افزائی کے لیے ہر سال برانڈ آف دی ایئر کا انعقاد کرتا ہے۔
برانڈ آف ایئر 2021 ایوارڈ گذشتہ ماہ مارچ کے دوران کراچی میں منعقد ہونے تھے تاہم چند وجوہات کی بناء پر اب یہ ایوارڈز آئندہ ماہ عید الفطر کے بعد منعقد کیے جائیں گے۔ ان ایوارڈز میں پاکستان بھر سے مختلف کاروباری برانڈز کے نمائندگان شرکت کریں گے۔
