امارات گروپ نے میریٹ انٹرنیشنل کی شراکت سے ڈی ایچ اے ملتان میں ہوٹل فیئر فیلڈ بائی میریٹ کی تعمیر کا اعلان کردیا۔
دونوں کاروباری شراکتی اداروں کے مابین مفاہمتی یاداشت پر دستخط کی تقریب امارات گروپ کے ہیڈ کوارٹر میں منعقد کی گئی جس میں امارات گروپ کے ایگزیکٹوز کے علاوہ میریٹ انٹرنیشنل لاجنگ ڈیویلپمنٹ کے ڈائریکٹر زیاد ابی راد نے شرکت کی۔
اس موقع پر تقریب سے اپنے خطاب میں امارات گروپ کے چیئرمین شفیق اکبر کا کہنا تھا کہ وہ اور ان کی ٹیم پاکستان میں سیاحت کی صنعت کے فروغ کے لیے پوری طرح کوشاں ہے۔ ان کا کہنا تھا کہ سیاحت کی صنعت کے فروغ سے ملک میں نہ صرف روزگار کے مواقع میسر آئیں گے بلکہ ہمارے ساتھ منسلک شراکتی کاروباری اداروں کو بہترین خدمات کی فراہمی یقینی بنانے میں بھی مدد ملے گی۔
انہوں نے میریٹ انٹرنیشنل کی ساتھ اسکی چوتھی فرنچائز ‘فیئر فیلڈ بائی میریٹ’ کی ڈی ایچ اے ملتان میں تعمیر کے معاہدے پر خوشی کا اظہار کرتے ہوئے کہا کہ امارات گروپ مذکورہ منصوبے کی تعمیر و ترقی میں اپنا کلیدی کردار ادا کرتا رہے گا۔
یہاں یہ بتانا انتہائی ضروری ہے کہ ‘فیئر فیلڈ’ میریٹ انٹرنیشنل کا دوسرا سب سے بڑا ہوٹل برانڈ ہے اور اپنی بین الاقوامی معیار کی سروسز اور ہاسپٹیلیٹی کی وجہ سے بڑی تیزی سے پوری دنیا میں اپنا ایک نمایاں مقام حاصل کر چکا ہے۔
مزید خبروں اور اپڈیٹس کیلئے وزٹ کیجئے گرانہ بلاگ۔
