ڈیجیٹل پاکستان: پراپشور ڈیجیٹل سلوشنز نے اربن پاکستان کا ڈیجیٹائز ڈیٹا لانچ کردیا

پراپشور ڈیجیٹل سولوشنز نے مُلکی ریئل اسٹیٹ سیکٹر کی تاریخ میں ایک اہم سنگِ میل عبور کرتے ہوئے پاکستان کے پلانڈ ایریا کا ڈیجیٹل ڈیٹا لانچ کردیا۔

ڈیجیٹل میپ کی تقریب رونمائی نیشنل سائنس اینڈ ٹیکنالوجی پارک (این ایس ٹی پی) میں ہوئی جس میں چیئرمین امارات گروپ شفیق اکبر، صدر ایڈوائزری بورڈ لیفٹننٹ جنرل (ر) ہارون اسلم، ڈائریکٹر پراپشور تیمور الحق عباسی، گروپ ڈائریکٹر گرانہ ڈاٹ کام فرحان جاوید اور ارسلان جاوید اور ڈائریکٹر ایجنسی 21 شرجیل احمر نے شرکت کی۔

تقریب سے خطاب کرتے ہوئے گروپ چیئرمین شفیق اکبر کا کہنا تھا کہ پاکستان کے پلانڈ ایریا کا ڈیجیٹل میپ لانچ کرنا مُلکی ریئل اسٹیٹ سیکٹر کی تاریخ میں ایک اہم سنگِ میل ہے۔ اُن کا کہنا تھا کہ اس اقدام سے ریئل اسٹیٹ سیکٹر میں شفافیت کا فروغ یقینی ہوگا۔

صدر ایڈوائزری بورڈ لیفٹننٹ جنرل (ر) ہارون اسلم نے اظہارِ خیال کرتے ہوئے کہا کہ ڈیجیٹل میپنگ کی اِس کاوش کے پیچھے ماہرین کی مکمل ٹیم کار فرما تھی۔ اُنہوں نے کہا کہ پاکستان کی نوجوان نسل صلاحیتوں سے بھرپور ہے، جس کے ادراک سے مُلکی تقدیر بدلی جاسکتی ہے۔

ڈائریکٹر پراپشور تیمور الحق عباسی کا کہنا تھا کہ اِس ڈیجیٹل نقشے کے اجراء سے لوگ کسی بھی پراپرٹی کی مکمل تفصیل حاصل کرسکتے ہیں، پراپرٹی کی قانونی حیثیت کی جانچ سے لوگ اس سیکٹر میں فراڈ اور دھوکہ دہی جیسے معاملات سے خود کو بچا سکتے ہیں۔

مزید خبروں اور اپڈیٹس کیلئے وزٹ کیجئے گرانہ بلاگ۔

About wasib imdad

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے